ନୂଆଦିଲ୍ଲୀ, ୬/୦୯ A21NEWS: ଦିଲ୍ଲୀର ସତ୍ୟ ନିକେତନ ଅଞ୍ଚଳରେ ରବିବାର ଏକ ୫ ମହଲା ଛାତ୍ରାବାସ ଭୁଶୁଡ଼ି ପଡ଼ିବାରୁ ଅତିକମରେ ୩ ଜଣଙ୍କ ମୃତ୍ୟୁ ଘଟିଛି। ୬ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଧ୍ୱଂସାବଶେଷ ତଳେ ଆହୁରି କିଛି ଲୋକ ଫସିଥିବା ଆଶଙ୍କା କରାଯାଉଛି। ଘଟଣାସ୍ଥଳରେ NDRF, ଦିଲ୍ଲୀ ଅଗ୍ନିଶମ ବାହିନୀ, ପୁଲିସ ଓ ଅନ୍ୟ ଉଦ୍ଧାରକାରୀ ଦଳ ପକ୍ଷରୁ ଯୁଦ୍ଧକାଳୀନ ଭିତ୍ତିରେ ଉଦ୍ଧାର ଅଭିଯାନ ଚାଲିଛି।
ପ୍ରାଥମିକ ସୂଚନା ଅନୁସାରେ, କୋଠାଟିର ବେସମେଣ୍ଟରେ ମରାମତି/ନିର୍ମାଣ କାମ ଚାଲିଥିବା ସମୟରେ ଏହା ଭୁଶୁଡ଼ି ପଡ଼ିଥିଲା। ତେବେ କୋଠା ଭୁଶୁଡ଼ିବାର ପ୍ରକୃତ କାରଣ ନେଇ ତଦନ୍ତ ଜାରି ରହିଛି।
ଘଟଣା ପରେ ପାଖପାଖି ଥିବା ଏକ କୋଠାକୁ ମଧ୍ୟ ସତର୍କତାମୂଳକ ଭାବେ ଖାଲି କରାଯାଇଛି। ଉଦ୍ଧାରକାରୀ ଦଳ ଧ୍ୱଂସାବଶେଷ ହଟାଇ ଫସିଥିବା ଲୋକଙ୍କ ସନ୍ଧାନ କରୁଛନ୍ତି।
ଘଟଣାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୋକ ପ୍ରକାଶ କରିବା ସହ ଉଦ୍ଧାର ଓ ରାହତ କାର୍ଯ୍ୟରେ ସମସ୍ତ ସମ୍ଭାବ୍ୟ ସହାୟତା ଯୋଗାଇ ଦିଆଯାଉଥିବା କହିଛନ୍ତି।
Thanks for reading: ଦିଲ୍ଲୀରେ ୫ ମହଲା କୋଠା ଭୁଶୁଡ଼ିଲା; ୩ ମୃତ, ଅନେକ ଫସିଥିବା ଆଶଙ୍କା, Sorry, my English is bad:)