୮ ସେପ୍ଟେମ୍ବର ୨୦୨୬ | A21NEWS | ଭବାନୀପାଟଣା
କଳାହାଣ୍ଡି ସମେତ ଓଡ଼ିଶାରେ ଆଗାମୀ କିଛି ଦିନ ବର୍ଷା ଓ ବଜ୍ରପାତର ସମ୍ଭାବନା ରହିଛି। ଭାରତୀୟ ପାଣିପାଗ ବିଭାଗର ୮ ସେପ୍ଟେମ୍ବର ବୁଲେଟିନ୍ ଅନୁସାରେ, ୧୦ରୁ ୧୨ ସେପ୍ଟେମ୍ବର ମଧ୍ୟରେ କଳାହାଣ୍ଡିରେ ବର୍ଷା ସହ ବଜ୍ରପାତ ଓ ଝୋଡ଼ା ପବନର ସମ୍ଭାବନା ରହିଛି।
ଆଇଏମ୍ଡିର ପୂର୍ବାନୁମାନ ଅନୁସାରେ, ୧୦ ସେପ୍ଟେମ୍ବରରେ କଳାହାଣ୍ଡି ସମେତ ଦକ୍ଷିଣ ଓଡ଼ିଶାର ଅନେକ ଜିଲ୍ଲାରେ ବଜ୍ରପାତ ସହ ଝୋଡ଼ା ପବନର ବେଗ ୩୦ରୁ ୪୦ କିମି ପ୍ରତିଘଣ୍ଟା ପର୍ଯ୍ୟନ୍ତ ରହିପାରେ।
୧୧ ସେପ୍ଟେମ୍ବରରେ କଳାହାଣ୍ଡିରେ ଗୋଟିଏ କିମ୍ବା ଦୁଇଟି ସ୍ଥାନରେ ଭାରୀ ବର୍ଷାର ସମ୍ଭାବନା ଥିବାରୁ ହଳଦିଆ ସତର୍କତା ଜାରି କରାଯାଇଛି। ଏହି ଦିନ ବଜ୍ରପାତ ଓ ୩୦ରୁ ୪୦ କିମି ପ୍ରତିଘଣ୍ଟା ବେଗରେ ଝୋଡ଼ା ପବନର ମଧ୍ୟ ଆଶଙ୍କା ରହିଛି।
୧୨ ସେପ୍ଟେମ୍ବରରେ ମଧ୍ୟ କଳାହାଣ୍ଡିରେ ବଜ୍ରପାତ ଓ ଝୋଡ଼ା ପବନ ସମ୍ପର୍କିତ ସତର୍କତା ରହିଛି। ଏହି ସମୟରେ ଚାଷୀ ଓ ସାଧାରଣ ଲୋକଙ୍କୁ ବଜ୍ରପାତ ସମୟରେ ଖୋଲା ପଡ଼ିଆ, ଗଛତଳ ଓ ଅସୁରକ୍ଷିତ ସ୍ଥାନରେ ନରହିବାକୁ ସତର୍କ ରହିବା ଆବଶ୍ୟକ।
ପାଣିପାଗ ବିଭାଗ ଆହୁରି କହିଛି ଯେ ଉତ୍ତର ଆଣ୍ଡାମାନ ସାଗର ଓ ଏହାର ଆଖପାଖରେ ଉପରି ବାୟୁ ଘୂର୍ଣ୍ଣିବଳୟ ରହିଛି। ଏହାର ପ୍ରଭାବରେ ୧୧ ସେପ୍ଟେମ୍ବର ଆଖପାଖରେ ପଶ୍ଚିମ-କେନ୍ଦ୍ରୀୟ ଓ ଉତ୍ତର-ପଶ୍ଚିମ ବଙ୍ଗୋପସାଗର ଏବଂ ଉତ୍ତର ଆନ୍ଧ୍ର–ଦକ୍ଷିଣ ଓଡ଼ିଶା ଉପକୂଳ ନିକଟରେ ଏକ ଲଘୁଚାପ କ୍ଷେତ୍ର ଗଠନର ସମ୍ଭାବନା ରହିଛି।
Thanks for reading: କଳାହାଣ୍ଡିରେ ବର୍ଷା ସହ ବଜ୍ରପାତ ଆଶଙ୍କା; ୧୧ ଓ ୧୨ ସେପ୍ଟେମ୍ବରରେ ସତର୍କତା, Sorry, my English is bad:)