ଅନ୍ତର୍ଜାତୀୟ ଯୁବ ମହୋତ୍ସବ–୨୦୨୬ରେ ଭାରତ ପକ୍ଷରୁ ଯୋଗଦେବେ; ‘ପ୍ରଗତି’ ମାଧ୍ୟମରେ ଭାରତ-ରୁଷିଆ ଯୁବ ସମ୍ପର୍କକୁ ଦେବେ ନୂଆ ଦିଗ
ଏକାଟେରିନବର୍ଗ, ରୁଷିଆ, ୧୧ ସେପ୍ଟେମ୍ବର ୨୦୨୬, A21NEWS: ଓଡ଼ିଶାର ଯୁବ ପ୍ରତିନିଧି ଶୁଭଲକ୍ଷ୍ମୀ ଦାଶ ରୁଷିଆର ଏକାଟେରିନବର୍ଗରେ ଆୟୋଜିତ ଅନ୍ତର୍ଜାତୀୟ ଯୁବ ମହୋତ୍ସବ–୨୦୨୬ରେ ଭାରତକୁ ପ୍ରତିନିଧିତ୍ୱ କରୁଛନ୍ତି। ସେପ୍ଟେମ୍ବର ୧୧ରୁ ୧୭ ପର୍ଯ୍ୟନ୍ତ ଚାଲିବାକୁ ଥିବା ଏହି ବିଶ୍ୱସ୍ତରୀୟ ଯୁବ ସମାବେଶରେ ଶୁଭଲକ୍ଷ୍ମୀ ବିଭିନ୍ନ ଦେଶର ଯୁବ ପ୍ରତିନିଧିଙ୍କ ସହ ଆଲୋଚନା ଓ ସାଂସ୍କୃତିକ ଆଦାନପ୍ରଦାନରେ ଭାଗ ନେବା ସହ ‘ପ୍ରଗତି’ ପ୍ରକଳ୍ପ ଉପସ୍ଥାପନ କରିବେ।
ମହୋତ୍ସବରେ ପ୍ରାୟ ୧୦,୦୦୦ ଯୁବ ପ୍ରତିନିଧିଙ୍କ ଅଂଶଗ୍ରହଣ ରହିବାକୁ ଥିବା ଆୟୋଜକଙ୍କ ସୂଚନାରେ ଦର୍ଶାଯାଇଛି। ଏଥିରେ ରୁଷିଆ ସମେତ ବିଭିନ୍ନ ଦେଶର ଯୁବ ପ୍ରତିନିଧିମାନେ ଯୋଗଦେବେ।
‘ପ୍ରଗତି’ରେ ଭାରତ-ରୁଷିଆ ସମ୍ପର୍କ ଉପରେ ଗୁରୁତ୍ୱ
ଶୁଭଲକ୍ଷ୍ମୀଙ୍କ ‘ପ୍ରଗତି’ ପ୍ରକଳ୍ପର ଲକ୍ଷ୍ୟ ହେଉଛି ଯୁବ ସଂପୃକ୍ତି, ସାଂସ୍କୃତିକ ଆଦାନପ୍ରଦାନ ଓ ଲୋକ-ଲୋକ ସମ୍ପର୍କ ମାଧ୍ୟମରେ ଭାରତ ଓ ରୁଷିଆ ମଧ୍ୟରେ ସାମାଜିକ-ସାଂସ୍କୃତିକ ସମ୍ପର୍କକୁ ଆହୁରି ମଜବୁତ କରିବା।
ଯୁବ କୂଟନୀତି ମାଧ୍ୟମରେ ଦୁଇ ଦେଶର ଯୁବପିଢ଼ି କିପରି ଦୀର୍ଘକାଳୀନ ବୁଝାମଣା ଓ ସହଯୋଗର ଏକ ମଜବୁତ ଭିତ୍ତି ଗଢ଼ିପାରିବେ, ସେ ନେଇ ମଧ୍ୟ ଏହି ପ୍ରକଳ୍ପରେ ଗୁରୁତ୍ୱ ଦିଆଯାଇଛି।
ବିଶ୍ୱ ମଞ୍ଚରେ ଓଡ଼ିଶାର ଯୁବ ପ୍ରତିଭା
ଶୁଭଲକ୍ଷ୍ମୀଙ୍କ ଏହି ଅଂଶଗ୍ରହଣ ଓଡ଼ିଶାର ଯୁବ ପ୍ରତିଭାକୁ ଅନ୍ତର୍ଜାତୀୟ ମଞ୍ଚରେ ପରିଚିତ କରାଇବାର ଏକ ବଡ଼ ସୁଯୋଗ ଭାବେ ଦେଖାଯାଉଛି। ମହୋତ୍ସବରେ ଶିକ୍ଷା, ବିଜ୍ଞାନ, ପ୍ରଯୁକ୍ତି, ଗଣମାଧ୍ୟମ, ଉଦ୍ୟୋଗ, କଳା-ସଂସ୍କୃତି, ସାମାଜିକ କ୍ଷେତ୍ର ଓ କ୍ରୀଡ଼ା ସମେତ ବିଭିନ୍ନ କ୍ଷେତ୍ରର ଯୁବମାନେ ଯୋଗଦେବେ।
ଶୁଭଲକ୍ଷ୍ମୀଙ୍କ ଏହି ଯାତ୍ରାକୁ ଜିଲ୍ଲା ଓ ରାଜ୍ୟସ୍ତରରୁ ଅନ୍ତର୍ଜାତୀୟ ମଞ୍ଚ ପର୍ଯ୍ୟନ୍ତ ଜଣେ ଯୁବ ପ୍ରତିନିଧିଙ୍କ ଉଲ୍ଲେଖନୀୟ ଅଗ୍ରଯାତ୍ରା ଭାବେ ଦେଖାଯାଉଛି।
Thanks for reading: ରୁଷିଆରେ ଭାରତର ଯୁବ ସ୍ୱର ହେବେ ଶୁଭଲକ୍ଷ୍ମୀ ଦାଶ, Sorry, my English is bad:)